Po na sulmojnë zombit... (Video)

16:58 / 12.02.2013

Hakerët janë inkuadruar në një emision televiziv amerikan dhe kanë “njoftuar” se zombit po i sulmojnë qytetarët.

Sistemi i shtëpisë televizive KRTV, të hënën është thyer nga hakerët, të cilët kanë publikuar informacionin se trupat e vdekur po çohen nga varet dhe po i sulmojnë njerëzit në Montana.

‘Incidenti’ ka ndodhur në shoun e Steve Wilkos, me ç’rast janë paralajmëruar qytetarët që të mos iu afrohen zombive, sepse ata janë shumë të rrezikshëm. Mesazhi është larguar shumë shpejtë, ndërsa KRTV u ka kërkuar falje shikuesve të vet.

Mediat lokale kanë njoftuar se policia ka marrë disa thirrje nga qytetarët, të cilët kanë dashur të kuptojnë vërtetësinë e lajmit. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.