Programi informativ suedez ka “transmetuar” këto ditë edhe një film pornografik, në një prej monitorëve pas spikeres që jepte lajmet.
Në stacionin televiziv TV4, gjatë edicioneve të lajmeve, shikuesit kanë mundur të vërejnë në sfond skena të seksit eksplicit.
Shikuesit ishin të tronditur nga ky imazh, deri sa moderatorja lexonte lajmet për klimën politike në Sirinë e shkatërruar nga lufta.
Filmi vazhdoi për dhjetë minuta, pas së cilave redaksia televizive paralajmëroi lëshimin dhe programi ndërpritet në çast.
“Mu duk sikur më bëhej, por shpejtë e kisha të qartë kur shihja lëvizjet. Qartë keni mundur të vëreni se çka po ndodhë, ndaj nuk e di se si ata nuk e vërejtën menjëherë”, ka thënë një shikues i lajmeve për ditoren "Aftonbladet".
Nga TV4, që është pjesë e kompanisë mediale e cila në disa kanale natën transmeton filma për të rritur, thonë se monitorët në redaksi janë të lidhur me kompjuterët tjerë në kompani.
“Askush nuk është ulur për të parë këtë film. Ka ndodhur një lëshim në një nga serverët në ndërtesë, kështu që filmi nisi të transmetohet gabimisht”, ka thënë kryeredaktori i TV4. “Ne e kemi ndalë filmin sa më shpejt që ka qenë e mundur. Kjo nuk është dashur të ndodhë dhe nuk do të përsëritet më”. /Telegrafi/
Komente
Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.
