Putin i dhuron Chavezit një ‘qen të Stalinit’
Shtypi rus e ka ironizuar dhuratën e bërë nga presidenti Vladimir Putin për homologun venezuelian, Hugo Chavez, një qen i një race ruse i quajtur “Qeni i Stalinit”.Qeni tremuajsh iu ofrua Chavezit nga një i afërt i Putinit, drejtori i përgjithshëm i kompanisë ruse të naftës ''Rosneft'', gjatë një vizite qw bwri në Venezuelë – njofton Kosovapress.
"Putin i ofron Chavezit një qen të Stalinit” e titullonte artikullin e saj e përditshmja popullore Komsomolskaja Pravda'.
Sipas agjencisë publike të lajmeve Ria Novosti, qeni i gjahut i Rusisë me ngjyrë të zezë është një racë e krijuar nga ushtria ruse pas Luftës së Dytë Botërore, nëpërmjet kryqëzimit të qenve të ndryshëm si rotvajler.
Agjencia theksoi se ai u quajt “Qeni i Stalinit”, sepse diktatori sovjetik kishte urdhëruar që qentë e gjahut me ngjyrë të zezë të dërgoheshin për të mbikëqyrur të burgosurit në kampet e Siberisë.
“Kjo racë nuk ka asnjë lidhje me Stalinin dhe nëse disa e quajnë ‘Qeni i Stalinit’, apo ‘Qeni i KGB-së’, është për t’i bërë publicitet”, theksoi specialisti rus. /Telegrafi/
