Qeni rrit tigrat
Vazhdon mënyra e jashtëzakonshme e kopjimeve nga kinezët. Kësaj radhe ata e kanë kopjuar veprimin e një kopshti zoologjik në Rusi duke shfrytëzuar një qen për rritjen e tigrave të vegjël.Javë më parë në kopshtin zoologjik Oktyabrsky në Sochi një qen është përdorur për t’u kujdesur për dy tigra të vegjël, të cilët i kishte braktisur nëna.
Drejtoresha e atij kopshti zoologjik, Viktoria Kudlayeva, pati deklaruar se qeni me emrin Cleopatra i pastron dhe i ushqen tigrat sikur të ishin të vetët.
Tani edhe kinezët kanë vendosur ta shfrytëzojnë të njëjtën qasje në kopshtin zoologjik në qytetin Nanning ku kanë lindur tre tigra.
Menjëherë pas lindjes nëna e tyre i ka braktisur, ndërsa personeli vendosi ta ndiqte shembullin rus dhe ia kanë besuar një qeni që kujdeset sikur për këlyshët e vet. /Telegrafi/
