Para reklamimit nëpër kanalet televizive, kompanitë shpesh i emitojnë reklamat nëpërmjet internetit, për të parë reagimin e publikut. Faqja e internetit “Viral Video” e cila merret me shikueshmërinë e spoteve në internet, publikoi listën e reklamave më të popullarizuara në YouTube për muajin janar.
Volkswagen
Reklama me titull “The Bark Side” paraqet një grup qensh të cilët me lehjet e tyre krijojnë melodinë e njohur të kult filmit “Star Wars”.
Megaupload
Edhe pse faqja e internetit “Megaupload” është mbyllur kohë më parë, reklama e saj edhe më tutje jeton. Yje si P.Diddy, Will I Am, Kanye West dhe Mary J. Blidge kanë dhënë kontribut për këtë reklamë.
The Joy Of Books (Gëzimi i librave)
Çifti i cili udhëheqë një librari të vogël në Toronto krijoi këtë reklamë në të cilën animacioni është kompozuar në mënyrë të përkryer me muzikën. Videoja tregon se çfarë ndodhë me librat gjatë natës.
Honda
Aktori Matthew Broderick ktheu sërish personazhin Ferris Bueller nga filmi “Dita e lirë e Ferris Bueller” (1986). Në reklamën për Hondan ai shtiret gjoja se është i sëmurë për të marrë një ditë të lirë në punë dhe të paktën një ditë të jetës ta kaloj duke bërë çfarë i pëlqen atij.
Coca-cola
Kompania Coca-Cola në bashkëpunim me këngëtarin Si Lemhaf, xhiroi himnin zyrtar të reprezentacionit të Tunizisë.
Komente
Portali Telegrafi ka kënaqësinë t'u ofrojë forum të lirë për komente dhe diskutim. Ju lutem respektoni rregullat e portalit. Shih të gjitha rregullat për komentim