Ronald Reaganin e bënë president jashtëtokësorët?
Njëra prej ikonave të ekranit dhe teatrit në vitet të gjashtëdhjeta dhe shtatëdhjeta, Shirley MacLaine, beson se jashtëtokësorët janë përgjegjës për transformimin e Ronald Reagan nga një aktor hollivudian në një president të Shteteve të Bashkuara.78-vjeçarja ka deklaruar se ish-presidenti amerikan është takuar me jashtëtokësorët në vitet e pesëdhjeta dhe ata i kanë sugjeruar që të ndërtonte një karrierë në politikë.
Aktorja veterane, e cila pohon se ka parë shumë UFO nga shtëpia e saj në New Mexico, ka thënë se Reagan ishte një besimtar i madh i jashtëtokësorëve dhe pas takimit me ta është bindur që të futet në politikë.
Përveç me presidentin e 40-të të SHBA-ve, sipas MacLaine, jashtëtokësorët janë takuar edhe me një tjetër ish-president, Dwight Eisenhower, në vitin 1954. /Telegrafi/
