Rregullon trafikun me kukullën seksi
Një kukull seksuale është duke u përdorur në Kinë si mënyrë për të rregulluar trafikun e lëvizjes së automjeteve në Kinë. E nervozuar në policinë lokale e cila po dështon t’i zë ngasësit të cilët po i drejtojnë shpejt makinat e tyre, Lin Chen nga Ningbo ka marrë masat e saj në mënyrë individuale.
67 vjeçarja bleu një kukull seksuale, të cilën e ka veshur mjaft seksi në të brendshme të kuqe, kurse këtë e përdor si masë për të rregulluar trafikun, pasi ngasësit ndalen për të shikuar nga afër duke menduar se është një femër e vërtetë që po qëndron aty.
“Ekzistojnë disa semaforë pranë shtëpisë time, por veturat nuk i shikojnë fare, aspak nuk i respektojnë. Policia nuk është e interesuar, kështu që e bleva këtë kukull dhe e lidha në këtë pemë. Mendoj se ngasësit do të ngadalësojnë nëse u jap diçka interesante për të shikuar”, ka theksuar Lin Chen.
Nga ana tjetër policia pranon se numri i aksidenteve është zvogëluar që prej se Lin Chen filloi të përdorë metodën kontraverse.
“Nuk është metodë që do të preferonim të përdornim, por ne nuk mund të themi se nuk po funksionon”, ka theksuar një zëdhënës policor. /Telegrafi/
