Rumuni i papunë fitoi 400 mijë euro në lotarinë spanjolle

15:25 / 23.12.2012

“Ky është fati që do të ma ndryshoi tërësisht jetën tim”, tha Kristian Vojka, tridhjetëvjeçari rumun i papunë, që jeton në periferi të Madridit e që fitoi lotarinë në vlerë prej 400 mijë eurove.

Emigranti rumun tashmë tre vjet është i papunë, ndërsa më herët ka punuar në ndërtimtari, shkruan ditorja rumune, “Evenimentul Zilei".

Lotaria spanjolle "El Gordo" është një nga më bujaret në botë. Fitimi i tërësishëm për Krishtlindjet e sivjetme, që është i liruar nga tatimi, është 2.52 milionë euro. Kostoja e një biletë është 20 euro dhe secili mund të fitojë maksimumin prej 400 mijë eurove.

Sipas procedurës së lotarisë spanjolli, çdo lojtar mund të blejë së paku 10 karta lotarie, meqë ato shiten në komplete. Sivjet janë regjistruar 130 fitues, të cilët në total kanë fituar 520 milionë euro.

Ndryshe nga lotaritë tjera të mëdha, në "El Gordo" nuk nxirret jack-poti, por fitimi ndahet mes disa fituesve. /Telegrafi/.

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.