Shimpanzeja që shikon vetëm filma pornografikë

Shimpanzeja me emrin Gina gjendet në kopshtin zoologjik në Sevilla, ndërsa kur i vendosin televizor dhe telekomandë në kafazin e saj, ajo i shikon vetëm filmat për të rritur.

Primatologu Herreros ka studiuar sjelljen e kafshëve nëpër Spanjë, ndërkaq ishte befasuar nga shimpanzeja femër në Sevilla.

“Në Sevilla një shimpanze femër më ka përgatitur një befasi rreth të cilës as që kam mundur të ëndërroj. Meqenëse gjatë muajve të dimrit, kafshët e kalojnë pjesën më të madhe të kohës në ambient të mbyllur, dëshironim që t’ua pasurojmë jetën”.

“Për t’ia zbukuruar mbrëmjet, punëtorët e kopshtit zoologjik vendosën që në kafazin e saj të vinin një televizor. Po ashtu, ia kanë dhënë edhe telekomandën që të zgjedhë vet kanalet që dëshiron t’i shikojë”.

“Pas vetëm disa ditësh, Gina jo vetëm që e ka përdorur përsosmërisht telekomandën, por në televizor ka shikuar vetëm kanale me përmbajtje pornografike”, citon Daily Mail fjalët e Herreros. /Telegrafi/