Shkencëtarët zbuluan rrobat që nuk përlyhen (Video)
15:49 / 18.01.2013
Shkencëtarët nga Michigani kanë shpikur një shtresë për rroba që i mbron ato nga të gjitha materiet e lëngshme, meqë pikat thjeshtë “refuzohen” nga kjo shtresë. Aplikimi i kësaj teknologjie mund të jetë shumë më i gjerë se industria e tekstilit.
Rreth 95 për qind e shtresave është ajër, ndërsa sipërfaqja largon grimcat e lëngjeve, kështu që rrobat nuk absorbojnë p.sh. kafenë, alkoolin apo acidet e rrezikshme.
Shtresa është një përzierje prej grimcave të gomës e plastikës, polydimethylsiloxane (PDMS), dhe nano-lëngjeve rezistuese të cilat i ka zhvilluar Aviacioni amerikan, e që përmbajnë karbon, fluor, sicilijum dhe oksigjen.
Shtresa redukton forcat ndërmolekulare që tërheqin grimcat, dhe për këtë arsye refuzon lëngjet, e kjo mund të aplikohet në çdo sipërfaqe, raporton Daily Mail.
Shkencëtarët kanë testuar 100 lëngje të ndryshme dhe vetëm freoni që përdoret në pajisjet e ajrit të kondicionuar arriti të kalojë nëpër shtresë. Megjithatë, shtresa suksesshëm mbron nga kafeje, alkooli, ngjyra e printerit, benzina, vaji bimor dhe acid sulfurik.
“Pasi lëngjet dhe materialet preken, krijohet një ngarkesë pozitive apo negative, në mënyrë që zgjerohet ngarkesa e lëngut. Ne kemi arritur në mënyrë drastike të reduktojmë ndërveprimin në mes të sipërfaqes dhe pikave, për çka lëngu thjeshtë refuzohet”, thanë shkencëtarët.
Shtresa është aq e lehtë sa që mund të përdoret për kostume ushtarake dhe kostume mbrojtëse të shkencëtarëve që punojnë me kimikate të rrezikshme. /Telegrafi/
Komente
Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.
