Stjuardesa ua tregoi gishtin pasagjerëve, pushohet nga puna (Foto)
Një kompani ajrore ruse e ka pushuar nga puna një stjuardesë, pasi në internet është shfaqur një fotografi, në të cilën ajo shihej duke ua treguar gishtin e mesëm pasagjerëve.Stjuardesa e kompanisë, “Aeroloft”, Tatiana Kozlenko, fillimisht e kishte publikuar fotografinë në një rrjet të famshëm social rus, VKontakte, por shume shpejt fotografia arriti në Twitter duke u shpërndarë mijëra herë.
“Publikimi i një fotografie të tillë, vetëm sa tregon qëndrimin e Tatianas ndaj udhëtarëve dhe obligimeve të saj. Ajo e ka pranuar gabimin e saj kur ka biseduar me menaxherët”, thuhet në një komunikatë të “Aeroloft”.
Megjithatë, stjuardesa ka thënë se gishti që shfaqet në fotografi nuk është i saji e as aeroplani nuk është një nga ata në të cilët Tatiana punon. Porse ka pranuar gabimin që e ka bërë duke u mburrur me atë fotografi. /Telegrafi/
