Tepër e bukur për të qenë në këshillin komunal

18:48 / 17.08.2013

Nina Siahkali Moradi, e cila ka fituar në zgjedhjet për Këshillin komunal në qytetin iranian Qazvin, është diskualifikuar me arsyetimin se është tepër e bukur për të shërbyer në atë post.

27-vjeçarja, një studente e arkitekturës, ka fituar 10.000 vota në zgjedhjet e qershorit dhe në këtë mënyrë ka siguruar një vend në Këshillin komunal, mirëpo komisioni zgjedhor e ka diskualifikuar, duke qenë se “nuk përputhet me kodin islamik”.

“Nuk duam model për pista mode në Këshill”, ka thënë njëri zyrtar nga qyteti Qazvin.

Edhe pse në pllakatet gjatë fushatës, Moradi ka qenë me mbulesë, koalicionet e grupeve të ndryshme fetare në Iran i kanë etiketuar ato si “vulgare” dhe “anti-religjioze”.

“Votat e saj janë shpallur të pavlefshme për shkak të diskualifikimit. Ia kemi treguar arsyen pse është diskualifikuar”, ka thënë përfaqësuesi i Qazvinit në parlamentin iranian, Seyed Reza Hossaini. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.