Tifozët sulmojnë vajzën që kërkon fanellën e lojtarit kundërshtar
Policia braziliane është dashur të intervenojë në fund të ndeshjes ndërmjet Coritiba dhe Sao Paulo (që përfundoi 1-1), pasi tifozët vendas sulmuan një vajzë, e cila kërkonte fanellën e një futbollisti kundërshtar.Vajza në shoqëri të babait të saj iu afrua yllit të Sao Paulos, Lucas Moura dhe i kërkoi fanellën, ndërsa kjo shkaktoi zemërim te tifozët vendas, të cilët nuk e pranuan me qetësi këtë skenë.
“Isha dëshmitar i një skene të trishtuar. Tifozët e Coritibas tentuan ta sulmonin vajzën dhe babanë e saj vetëm se e kërkuan fanellën nga unë”, ka thënë Lucas.
Në një tjetër incident, tifozët e Corinthians (klubi i të cilëve luajti ndaj Sport Recife) e kanë kërcënuar një turist skocez, i cili u shfaq në stadium me fanellën e Celticut.
Në fakt, tifozëve nuk u ka penguar Celticu, por ngjyra e fanellës (gjelbër-bardh), e cila ua përkujtonte rivalin e urryer, Palmeiras. Turisti në fund është detyruar ta fshehë fanellën që të mos përjetojë probleme më të mëdha. /Telegrafi/
