Torta e presidentit, 51 metra e gjatë
Për ditëlindjen e 51-të të presidentit të Azerbajxhanit, Ilham Aliyev, është bërë një tortë e gjatë 51 metra, ndërsa ceremonia festive është mbajtur në qytetin Sumgayit.Kreu i këtij qyteti ka treguar se festimi i ditëlindjes së presidentit në këtë formë tashmë është bërë tradicional dhe secilin vit thyen rekordin shtetëror për madhësinë e tortës.
Torta e këtij viti, sipas tij, është më e madhja që është bërë ndonjëherë në Evropë.
Për tortën, të cilën e ka bërë një kompani turke, mes tjerash janë dashur 22.000 vezë, dy tonelata miell, 1.7 tonelata sheqer, 700 kilogramë arra dhe lajthi, ndërsa peshon 11 tonelata. /Telegrafi/
