Turqit punojnë më së shumti – danezët më së paku
Agjencia e Bashkimit Evropian për statistika, Eurostat, duke u bazuar në anketat rreth fuqisë punëtore që janë realizuar për vitin 2011, ka njoftuar se meshkujt në Turqi punojnë mesatarisht 53.1 orë në javë, ndërsa femrat 48.6 orë.Sipas këtyre anketave, meshkujt në Bashkimin Evropian në përgjithësi punojnë 41.1 orë në javë, ndërsa femrat punojnë mesatarisht 39.3 orë në javë.
Pas Turqisë, më së shumti gjatë javës punojnë në Islandë (43.9 orë), në Maqedoni (43 orë), në Britani të Madhe (42.2 orë), pastaj në Zvicër dhe në Austri (nga 41.8 orë).
Në Danimarkë orët e punës gjatë javës janë në rënie dhe janë mesatarisht 37.7 orë punë, derisa në Norvegji dhe Irlandë 38.4, në Itali 38.8, në Holandë 39 dhe në Finlandë 39.1 orë.
Puna mesatare javore në Francë është 39.5 orë, ndërsa në Gjermani 40.7 orë. /Telegrafi/
