U lëndua “në punë”
Një gjykatë në Australi ka vendosur në favor të një të punësuare në qeverinë e atij vendi pas procesit pesëvjeçar gjyqësor. Zyrtarja shtetërore kishte kryer marrëdhënie seksuale me një koleg të sajin në një motel gjatë një udhëtimi zyrtar, ndërsa gjatë procesit është lënduar dhe më pas ka kërkuar dëmshpërblim për “lëndim në punë”.Ngjarja ka ndodhur në vitin 2007 në qytetin Nowra (160km larg Sydneyt) kur gjatë seksit e ka goditur një pjesë e llambës në fytyrë, duke ia lënduar hundën dhe gojën. Për shkak të këtij lëndimi, ajo më pas ka rënë në depresion dhe nuk ka mundur të punojë.
Kompania e sigurimit qeveritar fillimisht e kishte pranuar kërkesën për dëmshpërblim, mirëpo pas hetimit të detajuar i kanë hedhur poshtë kërkesat e zyrtares. Fillimisht, edhe gjykata kishte vendosur në favor të kompanisë së sigurimit, duke qenë se seksi nuk bën pjesë në aktivitetet e zakonshme gjatë një udhëtimi zyrtar.
Mirëpo, pastaj ajo i është drejtuar Gjykatës Federale, e cila ka vendosur në favor të saj. Nuk dihet se sa do të jetë dëmshpërblimi që do të fitojë zyrtarja. /Telegrafi/
