Vdes gruaja që thoshte së është më e moshuara në botë
Antisa Khvichava, e cila thoshte se ka lindur në vitin 1880 dhe konsiderohej si personi më i moshuar në botë, ka ndërruar jetë në moshën 132-vjeçare.Ajo kishte thënë se në kohën kur Lenini ka ardhur në pushtet nëpërmjet Revolucionit Bolshevik në Rusi (1917), ajo ka qenë 37 vjeçare.
Khvichava jetonte në një fshat malor në Gjeorgji, ndërsa kishte dokumente sovjetike, sipas të cilave, kishte lindur më 8 korrik të vitit 1880 – megjithatë mosha e saj është kontestuar dhe nuk është vërtetuar. Certifikata e lindjes i kishte humbur gjatë viteve të luftës, por ajo kishte dy dokumente të epokës së Bashkimit Sovjetik që vërtetonin pretendimet e saj.
Mirëpo, ekspertët e vënë në dyshim pretendimin e saj, meqenëse nuk mund të gjendet një certifikatë lindjeje.
Sipas Daily Mail, djali i saj 72-vjeçar, Mikhail, thuhet të ketë lindur kur Antisa ishte 60-vjeçare. Ajo thoshte se ka pasur edhe dy fëmijë nga një martesë e mëparshme, porse të dy vdiqën nga uria në vitet e Luftës së Dytë Botërore. /Telegrafi/
