Rrjeti televiziv CNN ka bërë një hulumtim rreth ndikimit të marihuanës në aftësitë vozitëse të njerëzve.
Në xhirimi shfaqen tre presona nga grupmosha të ndryshme (një vajzë e re që pi çdo ditë marihuanë, një mashkull i rritur që merr marihuanë vetëm gjatë vikendeve dhe një i moshuar që e konsumon këtë drogë kohë pas kohe), të cilët kanë vozitur nëpër poligon pasi kanë konsumuar sasi gjithnjë e më të mëdha të kësaj droge.
Në automjet, përveç kameramanit ka qenë i pranishëm edhe instruktori i vozitjes, i cili për çdo rast ka qenë i gatshëm të parandalojë ndonjë aksident. Po ashtu, vozitjen e ka përcjellë edhe një polic, i cili është dashur të vlerësojë gabimet.
Vozitësit kanë bërë gabime vetëm pasi e kanë kaluar pesë herë më shumë dozën e lejuar në shtetin amerikan Colorado. Në shumicën e rasteve, thjesht kanë vozitur shumë ngadalë.
Për dallim nga vozitësit e dehur (me alkool), të tre participantët kanë arritur ta kontrollojnë automjetin dhe po ashtu kanë qenë të vetëdijshëm për gjendjen e tyre dhe se paraqesin rrezik për pjesëmarrësit tjerë në komunikacion. /Telegrafi/
Komente
Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.
