Vyacheslav Osipov votoi për të 31-tën herë në Dumën ruse... ndonëse i vdekur!?

23:13 / 21.12.2012

Deputeti në Parlamentin e Rusisë, Vyacheslav Osipovm, votoi të mërkurën - për të 31-tën herë - edhe pse ai nuk ishte i pranishëm aty. Në fakt, ai nuk është i pranishëm askund mbi tokë, por vetëm nën dhe...

“New York Times” njofton se deputeti nga Partia Rusia e Bashkuar e presidentit Vladimir Putin, ka kohë që ishte i sëmurë, ndërsa kartën e tij - në Dhomën e Ultë të Parlamentit, apo Duma - ua ka dhënë kolegëve që ata të votojnë në emrin e tij. Votimi në emër të tjetërkujt lejohet në Rusi, por të votosh edhe për të vdekurin kjo është diçka e tepërt!

Nuk dihet saktësisht se nga çfarë ka vdekur Osipovi, e as nuk dihet nëse Rusia e Bashkuar do të ndërmarrë masa për këtë.

Pasi publikisht u njoftua se Osipovi ka vdekur, karta e tij e votimit është tërhequr nga Duma, e pastaj u mbajt sa për sy e faqe edhe një minutë heshtje për të vdekurin. /Telegrafi/
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.