Për kultivuesit e kulturës së grurit dhe farës së tij, po rritet përkrahja financiare nga viti në vit. Me qëllim të përmirësimit të cilësisë së kësaj kulture bujqësore, rritjes së prodhimtarisë dhe uljes së kostos prodhuese, kjo ministri sivjet ka rritur subvencionet për 25 për qind, ku për një hektarë të mbjellë me grurë, fermerët do të subvencionohen me 125 euro, ndërsa për një hektarë të mbjellë me farë për grurë, 200 euro. Për mbështetjen e këtyre të mbjellave, zyrtarë të Ministrisë së Bujqësisë tregojnë se kanë ndarë një fond prej 4.6 milionë euro.
Zëdhënësi i kësaj ministrie, Adil Behramaj, tregoi se mbjelljet vjeshtore të gurit kanë filluar dhe kanë përfunduar kryesisht me kohë. Mbirja e farës, sipas ekspertëve të ministrisë, thotë se ka qenë e mirë dhe temperaturat aktuale janë shumë të favorshme, gjë që kanë bërë që gjendja aktuale e të mbjellave vjeshtore të jetë relativisht e mirë.
“Tani jemi në fazën e riplehërimit dhe fermerët duhet të kenë kujdes të shtuar në aplikimin e dozave të plehut që përdorin dhe ta bëjnë këtë në kohën e duhur, pra deri në fillim të muajit prill, që të kenë ndikim të drejtpërdrejtë në një zhvillim sa më të mirë të bimës. Në aplikimin e riplehërimit, fermerët është mirë të bazohen në analizat e tokës, që shumica e fermerëve të mëdhenj i bëjnë rregullisht”, tha Behramaj.
Ai tregoi se kostoja e përgjithshme për të mbjellë një hektarë me grurë vlerësohet se sillet në rreth 450 euro dhe sivjet i kanë rritur subvencionet për 25 për qind. “Për një hektarë të mbjellë me grurë, fermerët do të subvencionohen me 125 euro, ndërsa për një hektarë të mbjellë me farë për grurë, 200 euro. Buxheti fillestar i planifikuar për subvencionimin e këtyre të mbjellave është 4.6 milionë euro”, tha zëdhënësi Behramaj.
E prodhuesit e grurit dhe farës së tij, tregojnë se kushtet klimatike, kanë qenë shumë të favorshme deri më tash për mbirjen e kësaj kulture bujqësore.
Drejtori i fabrikës së farërave ‘Agroelita”, Ilaz Selimi, thotë se sivjet kanë të mbjellë një sipërfaqe prej 300 hektarësh me grurë dhe farë të tij. “Që nga viti 2003 merremi me këtë veprimtari bujqësore dhe aktualisht ne prodhojmë 5 varietete hungareze të farës së grurit, ku përveç se po i shtojmë sipërfaqet me këtë kulturë, po arrijmë të prodhojmë edhe varietete të ndryshme të farës së grurit, që për ne po tregohet mjaft e leverdishme, pasi edhe kërkesat po rriten vazhdimisht për këtë farë”, thotë Selimi.
Ai tregon se viteve të fundit është mbështetur edhe me subvencione nga Ministria e Bujqësisë, të cilat sipas tij po ndikojnë në zhvillimin e suksesshëm të kësaj veprimtarie bujqësore.
Ndryshe, në bazë të të dhënave të raportuara nga komunat në Ministrinë e Bujqësisë, këtë vit janë mbjellë 86 mijë e 684 hektarë grurë. Ndërsa, vitin e kaluar të mbjella kanë qenë 83 mijë e 875 hektarë. /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
U hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
EBC Cosmetics vjen me zbritjen më të madhe vjetore
StaffiX ofron trajnim për Bazat e Menaxhimit të Burimeve Njerëzore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre