0Shares

Kryetari i AAK-së, Ramush Haradinaj, ka përsëritur mbështetjen për qeverinë e vendit sa i përket dialogut me Serbinë, por ka thënë se ende nuk ka asgjë konkrete sa i përket koalicionit.

“Nuk është një temë e Aleancës: në opozitë apo në Qeveri, edhe në rast se nuk do të arrijmë marrëveshje me Thaçin, ne do të ndihmojmë qeverinë e vendit në temën e dialogut, pasi që është një proces që nuk ndërlidhet me qeverisjen”, deklaroi Haradinaj.

Në kuadër të vizitave të tij, Haradinaj sot vizitoi ish-policin Mazllum Bajraktari, i cili para gjashtë vjetësh ishte lënduar dhe tani është në karrocë invalidore. Ai u lëndua gjatë përcjelljes së ministrit të atëhershëm, Fatmir Rexhepi, transmeton koha.net.

Një takim tjetër gjatë ditës i Haradinajt ishte me përfaqësuesit e Akademisë së Shkencave dhe Arteve të Kosovës. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)