0Shares

Kryetari i AAK-së, Ramush Haradinaj, është pritur të enjten nga Myftiu i Kosovës, Naim Tërnava, me bashkëpunëtorë. Myftiu, në emër Bashkësisë Islame të Kosovës, institucioneve të saja dhe në emrin e tij personal, e përgëzoi dhe e uroi Haradinajn për lirimin nga të gjitha akuzat në Gjyqit të Hagës.

“Liria dhe pafajësia e juaj është tregues i pastërtisë së luftës së drejtë të UCK-së, dhe fitore e kauzës së drejtë të populli shqiptar. Ne mirëpresin rikthimin tuaj në Kosovë dhe angazhimin në skenën politike të vendit”, tha myftiu Naim Tërnava.

Ndërkaq, nga ana e tij, Haradinaj tha se kapacitetet e shtetësisë së Kosovës i kemi ndërtuar së bashku.

“Si institucione, kemi kaluar rrugë të përbashkët në ndërtimin e kapaciteteve të shtetësisë së Kosovës ku kemi arritur rezultate të lakmueshmëve. Si në të kaluarën, edhe në të ardhmen na duhet bashkëpunim i ngushtë për ruajtjen e vlerave tradicionale fetare e kombëtare të populli tonë”, ka thënë Haradinaj, transmeton “Zëri”.

Kryetari i AAK-së, përveç tjerash, u shpreh se në të ardhmen e afërt, nëse ai merr drejtimin e qeverisë, “institucionet fetare duhet që të financohen nga buxheti i shtetit”.

Lideri i AAK-së e përgëzoi Myftiun për hedhjen e gurthemelit të Xhamisë Qendrore në Prishtinë.

Tërnava dhe kryetari i AAK-së, Haradinaj u dakorduan që të bashkëpunojnë në ruajtjen e vlerave pozitive dhe çuarjen para të proceseve në Kosovë. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)