Universiteti “Haxhi Zeka”, si universitet i ri, po ballafaqohet me sfida normale që ndërlidhen me zbatimin e strategjive për implementimin e standardeve akademike të procesit të Bolonjës, ka deklaruar për Telegrafin Armand Krasniqi, Rektor i Universitetit “Haxhi Zeka”.
Sipas Krasniqit, objektet e universitetit, edhe pse një pjesë e tyre të vjetra, aktualisht i plotësojnë standardet. Hapësirat e brendshme dhe ato të jashtme për një student janë mbi normat që kërkohen me standardet akademike, ndërsa janë të pajisura me mjetet e nevojshme tekniko-teknologjike.
“Niveli i pastërtisë është i mirë, zgjerimi funksional, kemi bibliotekën me librat më të rinj dhe më të avancuar, ndërsa funksion sistemi i informimit elektronik, kyçja e lirshme e studentëve në rrjetin e internetit, ngrohje cilësore, ambiente të gjelbra, katër amfiteatro, sallë informatike dhe 20 salla mësimi me inventar modern”, thotë Krasniqi.
“Universiteti ka 6000-6500 studentë aktivë. Dallimi në 500 studentë do të thotë se numri i studentëve aktivë lëvizë nga semestri në semestër. Planifikojmë që për tri vitet e ardhshme Universiteti t’i këtë rreth 10.000 studentë”.
Krasniqi ka sqaruar se buxheti i ndarë nga MASHT-i është rreth 1,950.000 euro për vitin 2013. Kjo shumë, sipas tij, garanton stabilitet për funksionim.
“Kjo shumë është lejuar të shpenzohet vetëm për paga, mëditje, mallra dhe shërbime. Nuk janë paraparë mjete për subvencione, që nënkupton se nuk janë paraparë mjete për bursa për studentë të suksesshëm dhe lirim nga pagesa. Nuk është kjo neglizhencë e jona, por çështje e Ligjit të Buxhetit”.
Rektori Krasniqi sqaron edhe çështjen e personelit të angazhuar. Ai ka thënë se sipas akteve juridike dhe sipas Ligjit mbi Arsimin e Lartë në vend, personelit të rregullt mësimor në thirrje asistentë – që janë në studime të doktoratës – ju lejohet që të jenë të angazhuar në mësimdhënie vetëm në nivelin e studimeve themelore.
“Ndërkaq, në nivelin e studimeve master janë të angazhuar vetëm personeli i cili ka gradën e doktorit të shkencave”, thotë ai. “Administrata funksion në mënyrë të rregullt edhe pse nuk përjashtojmë mundësinë të ketë raste të ndonjë ankese individuale. Por, nuk ka fenomen të injorancës së studentit. Është e vërtetë se janë evidente disa vështirësi për ofrimin e shërbimeve për ish studentët e ish Shkollës së Lartë Ekonomike dhe ish Shkollës së Biznesit, për shkak të mungesës totale të dosjeve, për faktin se dokumentacioni ynë është djegur dy herë”. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Peci: Me arrestimin e zv.drejtorit të Policisë të Kosovës, Serbia ka bërë një autogol të madh
Kurti takoi nënkryetaret e Mitrovicës së Veriut, Zveçanit dhe Leposaviqit, flasin për regjistrimin e popullsisë
Fillon fushata për zgjedhjet kuvendare, elektrizohet skena politike në Maqedoninë e Veriut
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
U arrestua nga Serbia, lirohet zëvendësdrejtori i Policisë së Kosovës
Maltretimi i kosovarëve në Serbi, eurodeputetja holandeze i reagon Vuçiqit
Arrestimi i zv.drejtorit të Policisë së Kosovës, analistët në Beograd: "Shfaqja e muskujve" nga Vuçiqi
Maqedonci ngre alarmin: Tensionet vazhdojnë, Serbia nesër do të testojë dronë kamikazë në kufi me Kosovën
Gjuajtje me armë zjarri tek një pompë derivatesh në Prishtinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin