0Shares

Ministri i Punëve të Jashtme i Republikës së Kosovës, Enver Hoxhaj në një intervistë për të përjavshmen austriake “Profil” ka thënë se ka ardhur koha që Serbia të njeh realitetin e Kosovës së pavarur.

Sipas tij, bazë e mirë për këtë është dialogu për normalizimin e marrëdhënieve në mes dy shteteve sovrane.

“Në në një periudhë sa më afatshkurtër Serbia duhet ta njeh realitetin e Kosovës së pavarur dhe si një shtet fqinjë të saj”, ka shtuar Hoxhaj.

Duke folur për procesin e normalizimit të marrëdhënieve në mes dy shteteve sovrane, Hoxhaj ka thënë se një pikë e rëndësishme në takimin e fundit të kryeministrit të Republikës së Kosovës dhe atij të Serbisë, ka qenë shpërbërje e strukturave të sigurisë, policisë dhe shërbimit inteligjent që Beogradi mban dhe financon në veri të Kosovës.

“Gjasat janë të mëdha, që në takimin e radhës mes kryeministrit të Republikës së Kosovës dhe atij të Republikës së Serbisë, që do të mbahet me 4 mars të kemi një përparim”, ka shtuar ai.

Sipas kryediplomatit kosovar, serbet që jetojnë në katër komunat e veriut të Kosovës, do kenë të drejta për komunat e tyre, ashtu siç parashihet në Kushtetutën e Republikën së Kosovës, të cilat janë të pranishme edhe në planin e ish presidentit finlandez, Martti Ahtisaari. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)