“S’ka kthim demarkacioni si kusht për liberalizim të vizave”

Ratifikimi i Projektligjit për Demarkacionin e Kufirit me Malin e Zi, sipas Skender Hysenit është dashur të kryhet kohë më parë.

Ministri i Punëve të Brendshme në “Interaktiv” të KTV-së ka thënë se demarkacioni është në interes të Kosovës, transmeton Koha.net.

“Është në interes të Kosovës dhe jetik për çdo shtet, shumë procese evitohen me qartësi kufijsh”, tha ai teksa shtoi se gjithçka varet debati në Kuvend të Kosovës, që duhet të hapet pashmangshmërisht.

“Sa më parë, aq më mirë dhe të hapet debati në Kuvend të Kosovës, ai mund ta vendosë që të hetojë të gjithë procesin, por duhet të hapet debati”, u shtua nga Hyseni.

Ai foli edhe për votën që duhet të japin deputetët për demarkacion.

“Thirrja ime është që ta debatojnë, ta analizojnë më të madh të mundshëm, thirrja ime është që nëse ata konstatojnë që ta votojnë bindshëm nëse e vlerësojnë ashtu”, përfundoi Hyseni.

Pasi është marrë vendimi për dhënie të propozimit nga Komisioni i Jashtëm Evropian për liberalizim të vizave, ai thotë: “Është kusht për liberalizim e unë kam insistuar që mos të jetë kusht. Është diskutuar pas vendimit. Unë personalisht kam diskutuar. Ditën që është shpallur rekomandimi kam qenë i ftuar në Bruksel. Është vendim i komisionit dhe nuk mund ta zhbëj as Parlamenti Evropian”, ka thënë Hyseni.

Liberalizimi i vizave, sipas tij, është interes jetik për kosovarët.

“Krijohen shumë mundësi me dal jashtë vendit, e më pas kjo është jetike për kosovarët. Kosovarët më dhimbsen më së shumti që nuk ka viza”, përfundoi ai.