LAJMI I FUNDIT:

A ia vlen martesa e hapur?

A ia vlen martesa e hapur?
-->

Martesa e hapur është ajo ku bashkëshortët bien dakord ta lejojnë njëri-tjetrin të kenë marrëdhënie jashtëmartesore, me pak fjalë që të tradhtohen.

Martesa, bashkëjetesa apo lidhja e dashurisë janë “eksperimente” të cilat shumë shpesh i lidhim me besnikërinë mes partnerëve. Po a ekzistojnë alternativa të tjera për sa i përket fushës së ndjenjave? Një ndër to, në fakt, është dhe “martesa e hapur”.

Vite më parë, libri “Open Marriage” i Nena dhe George O’Neill, u shndërrua në një best seller. Autorët rekomandonin marrëdhëniet jashtëmartesore, duke i argumentuar si të kënaqshme për disa çifte, duke përmirësuar kështu martesën e tyre.

Por pasi ndoqën për vite disa përvoja, tani autorët pranojnë se nuk ishte aspak kështu. Ndodhi e kundërta. Ata deklaruan se çiftet që praktikonin këtë lloj “tradhtie” ishin shumë të palumtur dhe maksimumi i kohës që mund të vazhdonin sërish bashkë, ishte vetëm dy vjet.

Më pas autorët thanë se: “Martesa e hapur ishte një dështim”, pasi ata botuan një tjetër libër me titullin: “Një ftesë e re ndaj besnikërisë seksuale”, në mënyrë që marrëdhënia dhe martesa të arrijnë maksimumin e lumturisë.

Three young adults talking and laughing

Këto përvoja tregojnë se idetë alternative ndaj martesës bien në kundërshtim me mënyrën se si ne sillemi në dashuri. E duam besnikërinë nga partneri dhe nuk jemi dakord me tradhtinë.

Marrëdhëniet intime që ofron martesa nuk mund t’i ndajmë me të tjerë pa e dëmtuar dhe shkatërruar atë. Ata që rekomandojnë stile të tilla martese “alternative” janë duke e kuptuar faktin se, shtrati martesor është shumë i rëndësishëm dhe nuk duhet çnderuar kaq lehtësisht.

Po këta njerëz, që kanë studiuar stile të ndryshme jete, kanë kuptuar edhe një tjetër gjë: pa përkushtimin që martesa kërkon, natyra njerëzore nuk arrin dot t’i zgjidhë deri në fund problemet që ajo sjell.

Për femrat, ky stil jete nuk ofron asnjë siguri. Shumë prej tyre po e kuptojnë që jeta është shumë më e vështirë pa sigurinë që ofron prania e bashkëshortit apo partnerit.

Edhe në aspektin e ndjenjave është shumë e trishtë të kesh një marrëdhënie me një mashkull që një ditë mund të thotë: “të dua vetëm për pak dhe kur të mërzitem me ty, do të të ndërroj me një model më të ri”. /Telegrafi/

Në trend Stil

Më shumë
Lugina e Vdekjes është bërë me një liqeni të ri të pazakontë që po mbushet me një shpejtësi deri tani të paparë

Lugina e Vdekjes është bërë me një liqeni të ri të pazakontë që po mbushet me një shpejtësi deri tani të paparë

Çfarë të vizitosh
Gjashtë mënyra të thjeshta se si të hiqni njollat nga veshjet dhe mobiliet

Gjashtë mënyra të thjeshta se si të hiqni njollat nga veshjet dhe mobiliet

Bëje vet
Pse burrat qëndrojnë më gjatë në një raport toksik, krahasuar me gratë, pavarësisht ndjenjave apo rrethanave

Pse burrat qëndrojnë më gjatë në një raport toksik, krahasuar me gratë, pavarësisht ndjenjave apo rrethanave

Lifestyle
Si të zgjidhni ngjyrat që sjellin lumturi në shtëpinë tuaj

Si të zgjidhni ngjyrat që sjellin lumturi në shtëpinë tuaj

Lifestyle
Irina Shayk jep me qira banesën e saj në Nju-Jork për një shumë marramendëse: Luks dhe bukuri nga të gjitha anët

Irina Shayk jep me qira banesën e saj në Nju-Jork për një shumë marramendëse: Luks dhe bukuri nga të gjitha anët

Stil
S’ka asnjë njollë që nuk mund të hiqet! Mjeshtri zbulon truket, nga rrobat te lavamani

S’ka asnjë njollë që nuk mund të hiqet! Mjeshtri zbulon truket, nga rrobat te lavamani

Bëje vet
Kalo në kategori