0Shares

Presidenti i Iranit Mahmud Ahmadinejad ka denoncuar gjyqësinë iraniane lidhur me arrestimin e aleatit të tij, ish prokurorin e Tehranit, Saeed Mortazavi.

Ahmadinejad, në komentin e publikuar të martën në ueb-faqen e tij zyrtare, e ka quajtur këtë si një “veprim tejet të ndryrë”.

Zyra e prokurorit të Tehranit ka konfirmuar se Mortazavi është arrestuar të shtunën, por nuk ka dhënë detaje të tjera lidhur me akuzën me të cilën ai është ngarkuar.

Mediat iraniane raportojnë se ai është dërguar në burgun Evin të Tehranit. Mortazavi është suspenduar në vitin 2010 për vdekjen e tre protestuesve anti-qeveritar në një burg në Tehran, raportojnë mediat.

Emri i tij është përmendur gjatë një përleshjeje të së dielës në parlament, në të cilën Ahmadinexhad akuzoi kryetarin e këtij institucioni, Ali Larijani dhe familjen e tij, për përfshirje në korrupsion.

Në komentin e tij, Ahmadinejad ka thënë se gjyqësia ka filluar të të funksionojë si një “biznes familjar”. Ndërkohë kuptohet se Sadegh Larijani, vëllai i kryeparlamentarit Ali Larijani, është kreu i gjyqësisë së vendit. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)