Ja raporti i Komitetit të Helsinkit për gjendjen e refugjatëve në Maqedoni

Komiteti i Helsinkit për të Drejtat e Njeriut në Maqedoni ka përgatitur një raport për gjendjen në vendkalimet kufitare Gjevgjeli dhe Kumanovë gjatë javës së kaluar lidhur me objektet dhe kushtet në kampet e refugjatëve, trajtimi institucional, gjendja në qendrat e pranimit dhe migracioni i parregullt, raporton Anadolu Agency (AA).

Siç thuhet në raportin e publikuar thuhet se gjatë javës së kaluar në kampin për refugjatë në Gjevgjeli ëshë mbajtur numri paraprak i refugjatëve 133, me ardhje me largim të një numri të vogël refugjatësh të cilët kanë hyrë përmes kalimeve ilegale.

Të shtunën nga kampi me një ambulancë në spitalin në Shkup dhe Strumicë janë transferuar dy gra shtatzëna për shkak të vështirësive në shtatzëni.

Gjatë javës, 19 refugjatë, duke përfshirë grat dhe fëmijë u transferuan në territorin grek pasi janë kapur në rrugë të paligjshme ndërkohë që u është ofruar ndihmë humanitare dhe mjekësore në kamp.

Numri i refugjatëve në kampin Tabanoc nga 100 është ulur në 90 javën e kaluar. Disa familje ose refugjatë vullnetarisht largohet nga kampi për të dalë jasht shtetit. Disa kthehen në kamp pas përpjekjeve të dështuara dhe gjendjen shëndetësore të rezikuar për shkak të temperaturave të larta, ndërsa disa nuk kthehen për çka supozohet se kanë kaluar kufirin.

Një grup më i vogël i refugjatëve u përpoqën të largohen nga kampi me tren, por u ndaluan nga policia, ndërsa dy familje me origjinës afgane kanë lënë kampin dhe nuk u kthyen. Në qendrën e pranimit të azilkërkuesve në Vizbeg aktualisht janë 13 refugjatë, ndërsa në atë në Gazi Babë janë 35 persona. Shtëpia strehimore aktualisht ka 11 refugjatë./Telegrafi./