0Shares

Presidentja e Kosovës, Atifete Jahjaga vizitoi sot SOS Fshatin e Fëmijëve në Prishtinë, me ç’rast shpërndau dhurata për fëmijët.

Ajo bisedoi me udhëheqjen e këtij institucioni dhe u njoftua me gjendjen e përgjithshme, punën dhe problemet me të cilat përballet ky institucion.

Me rastin e festës së Vitit të Ri, presidentja u shpërndau dhurata fëmijëve të këtij institucioni.

“Në këtë natë të kremtimit të Vitit të Ri erdha t’i vizitoj këta fëmijë, që janë të strehuar në këtë qendër, duke pasur përkujdesjen e të gjithë neve dhe mbarë shoqërisë tonë, qe në dashuri me njëri-tjetrin përgatiten për jetën, për të qenë kontribuues të rëndësishëm të zhvillimit të shoqërisë sonë”, tha Jahjaga gjatë vizitës në SOS Fshatin e Fëmijëve.

Siç është bërë zakon dhe traditë ndamë nga një dhuratë simbolike për të shënuar këtë ditë me dëshirat që vitin e ardhshëm ta kalojmë në mirëkuptim, në solidaritet, në begati, për të ndërtuar një të ardhme më të mirë për këta fëmijë dhe për të gjithë qytetarët e Kosovës, tha Presidentja Jahjaga.

Në kuadër të kujdesit të vazhdueshëm dhe ndihmës për këtë institucion, Presidentja Jahjaga javën e kaluar e ka ndihmuar SOS Fshatin e Kosovës me 3 mijë euro nga buxheti i Zyrës së Presidentes. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)