Janeva kërkon që edhe partitë politike të mund të ndiqen penalisht

Aktualizimi i përgjegjësisë penale të partive politike, si një mjet i domosdoshëm në luftën kundër korrupsionit, sot ka kërkuar kreu e Prokurorisë Speciale Publike, Katica Janeva, përcjell Telegrafi Maqedoni.

Duke folur në një konferencë ndërkombëtare në Shkup e organizuar nga USAID, kushtuar luftës kundër korrupsionit, Janeva tha se përgjegjësia penale është teorikisht e mundur në Kodin Penal të Republikës së Maqedonisë, ku neni 122, paragrafi 6, edhe partitë janë definuar si persona juridikë, por në praktikë kjo pjesë mungon nëpërmjet sistemit gjyqësor.

Sipas fjalëve të saj, edhe pse në ligjin penal jemi të orientuar para se gjithash drejt përgjegjësisë individuale, duket e nevojshme se duhet të kthehemi edhe te përgjegjësia kolektive, sepse abuzimet nuk janë të shpeshta, personi përgjegjës në emër të partisë politike, pra domosdoshmërisht të mund të përgjigjen edhe partitë politike.

Janeva tha se PSP do të paraqesë iniciativën për ndryshimin e Kodit Penal dhe punën e instalimit “pengim të drejtësisë”, e nxitur kryesisht nga pengesat me të cilat përballet PSP. /Telegrafi/