0Shares

Pozicionimi i Qeverisë është miratimi i ligjeve funksionale në harmoni me rregullat e BE-së, ka thënë Ministri i Zhvillimit Ekonomik, Besim Beqaj, duke komentuar projektligjin për kontroll të duhanit. Nga ana e tij, zëvendëspresidenti i kompanisë ndërkombëtare të duhanit ‘Japan'Tobaco’, Christian Cring, u shpreh mirënjohës për diskutimet që po zhvillohen.

‘Kompania për prodhimin dhe tregtimin e duhanit ‘Japan Tobacco International’ (JTI) hapi sot zyrën në Kosovë. Në ceremoninë e hapjes, u prek çështja e projektligjit për kontroll të duhanit, nga Ministri i Zhvillimit Ekonomik (MZHE), Besim Beqaj.

“Pozicionimi i Qeverisë së Kosovës është të miratojë ligje funksionale në harmoni me rregullat e BE-së. Për ne është me interes shëndeti publik, por njëkohësisht edhe funksionimi i ligjeve në harmoni me BE-në”, tha ministri Beqaj.

Ai u shpreh se janë të interesuar të mos ketë evazion fiskal dhe të mos ketë favorizim të ndonjë kompanie. Ndërsa, përfaqësuesi i kompanisë japoneze, Christian Cring, u shpreh mirënjohës për diskutimet rreth projektligjit.

“Si një investitor u jemi mirënjohës autoriteteve vendase që kanë diskutuar hapur shqetësimet që ne kemi në lidhje me projektligjin e ri mbi kontrollin e duhanit. Shpresojmë se për ligjin do të zbatohen modelet efektive të BE-së”, tha Cring.

Ministri Beqaj paralajmëroi se shumë shpejt do të organizohet një takim me komunitetin e biznesit për t’i diskutuar në hollësi shqetësimet e biznesit për këtë projektligj. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)