Deputeti i pavarur i Kuvendit të Republikës së Kosovës dhe një nga biznesmenët e njohur, Ramiz Kelmendi, i ka kërkuar Qeverisë së vendit, që borxhet qytetarëve t’ju falen në tërësi.
Kërkesa e Ramiz Kelmendit ka ardhur pak ditë pas skadimit të afatit të qeverisë, e cila ka kërkuar që deri më 1 shtator qytetarët borxhlinj të shlyejnë obligimet ndaj shtetit të grumbulluara deri në vitin 2008, në mënyrë që të njëjtëve t’u falen ato të pas vitit 2008.
Deri më tash vetëm 15 për qind e qytetarëve borxhlinj mendohet se i janë përgjigjur kësaj thirrjeje të Qeverisë.
Deputeti dhe biznesmeni Ramiz Kelmendi, në një reagim të tij rreth kësaj teme, ka dhënë edhe arsyet se pse, sipas tij, falja duhet të ndodhë në tërësi. Për këtë ai ka dhënë shembujt, sipas të cilave thotë se shteti nuk dëmtohet.
Më poshtë mund ta lexoni të plotë reagimin e Ramiz Kelmendit:
“Pse duhet të falen borxhet në tërësi pas 1 shtatorit
Historiati i këtyre borxheve daton shumë kohë para vitit 2008.
Shuma më e madhe e tyre vie nga borxhet e qytetarëve ndaj institucioneve publike, siç janë; KEK-u, Tatimet në pronë, ATK dhe shumë organizata shtetërore. Këto borxhe janë krijuar nga pamundësia e pagesave të qytetarëve të shumtë, të papunë, pa pensione relevante, pa të ardhura nga remitencat, pensionistë dhe shpesh edhe nga dënimet e larta që shqiptohen, si të tilla edhe ligjërisht edhe moralisht tashmë kanë humbur kuptimin e inkasimit.
Vetëm të kujtojmë, sa para ka financuar Qeveria gjatë kësaj periudhe në KEK dhe në këto institucione të sipërpërmendura. Sa para kanë dhënë qytetarët në blerjen e medikamenteve në barnatore dhe pagesa e shumta që kanë kryer për shërimin vetanak dhe të anëtarëve të familjes.
Pra, shembujt e fundit janë të paraparë të jenë falas. Pra, nëse krahasojmë këto borxhe të krijuara me ngarkesat që Qeveria në një mënyrë ua ka krijuar qytetarëve, shihet qartë se këto borxhe qytetari nuk i ka krijuar ndaj shtetit, për t’i përdor për jetë luksoze por për mbijetesë dhe si të tilla duhet të thërrasin në ndërgjegjen e Qeverisë dhe të parlamentit që të sillet një vendim për faljen e tërësishme të tyre. Mos të harrojmë pjesa dërmuese e kësaj kategorie qytetarësh borxhlinj, janë të ngarkuar më këso obligime edhe pas periudhës së vitit 2008.
Shembull: Si është vepruar dhe si janë trajtuar borxhet e qytetarëve në shtetet tjera ?
Për t’u krijuar borxhi, janë tre fajtorë: Borxhliu së pari, institucioni së dyti dhe papunësia së treti.
Andaj, derisa të kemi këtë papunësi, deri sa vlera e pensioneve vazhdon të jetë minimale për të mbështetur një jetesë së paku dinjitoze, deri sa shërbimet publike dhe shëndetësore nuk janë në nivelin njerëzorë, atëherë natyrshëm, trajtimi i borxheve gjithnjë rezulton me falje të tërësishme të tyre.
Në këtë mënyrë, nëse një ligj për faljen e borxheve në fjalë, formohet në vitin 2016, atëherë ato duhet dhe do faleshin në tërësi deri në vitin 2014.
Këto metoda janë treguar të suksesshme dhe dinjitoze dhe kanë ndikuar në organet e mbledhjes së borxheve, që ato të funksionalizohen në të ardhmen.
Çfarë borxhi është efektiv është ai borxh, i cili daton nga viti 2000 në rastin tonë, në raport me këtë nga viti 2008?
Pse krahasohen borxhet e qytetarëve të cilët nuk kanë mundësi t’i përgjigjen obligimeve të shtetit, me disa akterë të tjerë të cilët janë të lidhur me korrupsionin.
Këto çështje duhet ndarë dhe trajtuar ndryshe, sepse si të tilla janë formuar ndryshe. Tek dikush janë krijuar nga pamundësia dhe sinqeriteti që e ka, e tek dikush nga kënaqësia korruptive dhe mos serioziteti. Ky dallim duhet të ishte primar për falje, e jo për mos falje .
Qytetarëve tonë është krenari tu falësh borxhet, sepse, edhe ky zhvillim siç është bërë deri më tash, është bërë falë punës dhe veprës së tyre ekonomike. Nuk e dobëson shtetin mos inkasimi i borxheve të vjetruara, përkundrazi, një veprim i tillë e kthen shtetin nga e ardhmja dhe i motivon të pafuqishmit të besojnë ne shtetin e tyre”. /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
U hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
EBC Cosmetics vjen me zbritjen më të madhe vjetore
StaffiX ofron trajnim për Bazat e Menaxhimit të Burimeve Njerëzore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre