Një xhami në Staten Island, New York City, është bërë shënjestër e disa kërcënimeve trishtuese – të gjitha këto nga një burrë i “armatosur” me një tub metalik.
Siç raporton Steve Langford, gazetari i CBS2, kur myslimanët ishin duke kryer lutjet e Ramazanit në Qendrën Kulturore Islame Shqiptare, në Tompkinsville, të enjten në mbrëmje, imami ka vënë re një burrë që dukej shumë i zemëruar dhe i cili shkonte drejt tij.
“Dhe ai filloi menjëherë me mallkimet – ‘Ju myslimanët e mallkuar. Kam dëgjuar se ju jeni këtu për të na pushtuar’”, ka thënë imami, Tahir Kukiqi, transmeton Koha.net.
Familjet së bashku me fëmijët e tyre po shikonin teksa i dyshuari vazhdonte të kërcënonte në një nga xhamitë më të mëdha në Bregdetin Lindor.
“Ai filloi të bëjë edhe me gjeste – ‘Do t’ju pres. Do t’ju pres shumë keq’”, citon Kukiqi fjalët e të dyshuarit.
Kukiqi tregoi se këtij burri i ka thënë që të qetësohet, ndërsa ai mori një tub prej metali të cilin e drejtoi kah ai, transmeton Koha.net. Kukiqi po ashtu ka thënë se ky burrë e kërcënoi me vrasje.
“Jo vetëm mua, por të gjithë myslimanët”, tha imami Kukiqi.
Policia thotë se ka arrestuar Angel Mercado, 38 vjeç, adresa e të cilit është e shënuar si një shtëpi e braktisur, një bllok afër xhamisë.
Një fqinj ka njoftuar se Policia ka rrethuar shtëpinë e Mercados në mesnatën e së enjtes, menjëherë pas kërcënimeve ndaj xhamisë.
Imami, i cili ka emigruar në SHBA nga Kosova 14 vjet më parë, ka thënë se dëshiron që të gjithë – posaçërisht i dyshuari – ta dinë qëndrimin e tij në vendin e tij të dytë, Amerikën, transmeton Koha.net.
“Ne konsiderojmë se ky vend është, si të them, parajsa e Zotit në tokë”, ka thënë Kukiqi.
Akuzat kundër të dyshuarit përfshijnë posedim të armës, ngacmim të shkallës së rëndë dhe kërcënim i shkallës së dytë – krim urrejtjeje.
Policia ka thënë se i dyshuari ka një histori të vjetër kriminale.
Vitin e kaluar, Policia në Staten Island kishin arrestuar një të dyshuar për lidhje me ISIS-in, pikërisht në muajin e Ramazanit. Atë kohë, imami Kukiqi pati thënë se terroristët e ISIS-it janë të çmendur, të cilët, sipas tij, nuk mund të quhen as njerëz.
“Këta njerëz së pari sulmojnë myslimanët. Ata na bëjnë të kalojmë nëpër ndjenja të rënda dhe dhimbje. Sa herë ndodh diçka, qoftë ajo e shtënë në Teksas apo një arrestim këtu apo atje, nuk ka lejon të jetojmë në paqe. Ata njerëz janë të çmendur. Nuk mundem madje t’i quaj as njerëz”, ishte shprehur Kukiqi një vit më parë.
Promo
Reklamo këtuLufta Prigozhin - Putin
Më shumëNga Rubrika
Fuqizimi i rolit të gruas, Meta: Pëlqej gratë si Margaret Thatcher, jo ato me taka të larta
Bojmacaliev: Mbi 100 mijë qytetarë presin dokumentet e tyre personale, afati ligjor është shkelur
Një javë i zhdukur, gjyshja në Durrës dorëzon në polici 3-vjeçarin
Sa kanë pasuri Osmani dhe Kurti? Dyshja deklaron pasurinë e tyre në Agjencinë për Parandalimin e Korrupsionit
O'Brien pas takimit me Vuçiqin: Shpresoj që komuniteti ndërkombëtar do të bëjë gjithçka që Kosova të themelojë Asociacionin
Cilat ishin gjetjet e Themelores nga mbrojtja e të akuzuarve në rastin e “53-milionëshit”?
Serwer tregon se pse Serbia i frikësohet anëtarësimit të Kosovës në Këshillin e Evropës
Ndryshimi i motit, IHMK njofton për shi dhe borë
Votimi në veri, KQZ: 1,461 votues më shumë se në zgjedhjet e mbajtura më 23 prill 2023
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel