0Shares

Ka përfunduar takimi i liderëve politik për reformë zgjedhore duke sjellë një marrëveshje që Kosova të ketë vetme një zonë zgjedhore, ndërsa për listat e hapura, përbërjen e KQZ-së dhe pragun zgjedhor ka mbetur të diskutohet në ditë e ardhshme.

Kryeministri Thaçi , pas takimit, i pyetur për koalicionin që nuk është arritur në mes AAK-së dhe PDK-së , ka deklaruar se sot në mëngjes kanë mbajtur një takim me liderin e AAK-së dhe janë pajtuar që të vazhdojnë bashkëpunimin në proceset e ardhshme, raporton KosovaPress.

Hashim Thaçi, Isa Mustafa dhe Behgjet Pacolli dukeshin në disponim, ndërsa Thaçi ka theksuar se do të respektohet marrëveshja e prillit 2011, sipas së cilës parashihej reforma zgjedhore e kushtetuese si dhe mbajtja e zgjedhjeve nacionale dhe presidenciale, njofton "Express".

Ndërkohë, nënkryetari i AAK-së Blerim Shala, partia e te cilit sot dështoi të bëjë marrëveshje koalicioni me PDK-në, është larguar menjëherë pas përfundimit të takimit. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)