0Shares

Komisioni Qendror i Zgjedhjeve njofton të gjithë qytetarët e Republikës së Kosovës se Rezultatet për Kuvendet Komunale dhe kandidatët për Kuvende Komunale të publikuara gjatë ditës (e mërkurë) në portale – nuk janë rezultate të publikuara nga Komisioni Qendror i Zgjedhjeve.

“Përveç kësaj, duam t’iu bëjmë të njohur se këto rezultate që po qarkullojnë nuk janë të plota; janë të pasakta, dhe rrjedhimisht nuk duhet të merren si zyrtare”, thuhet në kumtesën e KQZ-së.

“Të gjithë qytetarët i njoftojmë se në Qendrën e Numërimit dhe të Rezultateve është duke vazhduar numërimi dhe se në momentin e përfundimit të të gjitha procedurave, KQZ do t’i njoftojë të gjithë me rezultatet, ngjashëm siç kemi bërë edhe me Rezultatet për Kryetarë të Komunave”.

“Po ashtu, duam t’iu informojnë se i vetmi institucion që bënë publikimin e Rezultateve Preliminare dhe atyre Përfundimtare të Zgjedhjeve është Komisioni Qendror i Zgjedhjeve i Republikës së Kosovës”, thuhet në njoftimin e KQZ-së. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)