Kroatët këmbëngulin: Serbia nuk mundet në BE, pa i përmbushur tri kushtet

Kryeministri kroat në mandatin teknik Tihomir Oreshkoviq, ka deklaruar në Bruksel se qëndrimi i Kroacisë në lidhje me hapjen e negociatave me Serbinë rreth Kapitullit 23 nuk ka ndryshuar, dhe ka pranuar se atë që Kroacia është duke kërkuar janë duke e kërkuar edhe shtetet tjera anëtare.

“Sa i përket neve, asgjë nuk ka ndryshuar. Ne kërkojmë që Serbia i ka të njëjtat kushte që i kishte Kroacia dhe shtetet tjera”, ka thënë Oreshkoviq për Al Jazeera, transmeton Telegrafi.

Ai shtuar duke thënë se bëhet fjalë për tre kushte, që kanë të bëjnë me kompetencat rreth gjykimeve për krime të luftës, çështjen e mbrojtjes së pakicave dhe bashkëpunimi me Tribunalin e Hagës, transmeton Telegrafi.

Kryesimi holandez i BE-së kishte për qëllim që deri në fund të mandatit të vet që përfundon të enjten në mesnatë, të hapë negociatat me Serbinë për kapitujt 23 dhe 24.

Megjithatë, ende nuk ka një dakordim të përbashkët në BE për kapitullin 23 për çështje të jurispodencës dhe të drejtave themelore. /Telegrafi/