Kufizimi i radhës për institucionet e sigurisë së Kosovës
Transformimet që pësuan institucionet e Kosovës që nga pas lufta, sidomos institucionet e sigurisë, e në veçanti transformimi i UÇK-së, bartëse e luftës çlirimtare – në TMK dhe pastaj formimi i FSK-së – janë shoqëruar me një varg kushtëzimesh lidhur me mandatin e tyre, si në aspektin ligjor ashtu edhe atë operacional.
Kufizimet e institucioneve të sigurisë së Kosovës lidhur me mandatin e tyre për t’u shërbyer qytetarëve, kanë qenë të imponuara nga faktori ndërkombëtar në Kosovë, pasi Kosova e shpalli pavarësinë në vitin 2008 dhe ende nuk ka kompetenca të plota që të funksionalizojë të gjitha institucionet e sigurisë siç i kanë të gjitha shtetet e pavarura.
Transformimi i UÇK-së në TMK pati kufizimet e saj, që tashmë dihen (transformim që është arritur në negociata me NATO-n, menjëherë pas përfundimit të luftës). Në fakt, TMK-ja, me gjithë kufizimet, ishte institucioni më kredibil në Kosovë. Ajo arriti ta kryejë misionin me të cilin ishte ngarkuar.
Pas shpalljes së pavarësisë krijohet FSK-ja, si institucion kushtetues i dalë nga shpërbërja e TMK-së. FSK-ja gjithashtu ka një mision të kufizuar, por, nëse e krahasojmë me TMK-në është më pak e kufizuar në aspektin legal dhe operacional. FSK-ja po e vazhdon traditën e trashëguar nga TMK-ja në kuptimin e besueshmërisë që ka te qytetarët e Kosovës (sondazhet tregojnë se FSK-ja është institucioni më i besueshëm në Kosovë).
Paraqitja e mësipërme tregon hapat e institucionit më të rëndësishëm të një shteti. Përkundër suksesit të transformimit të këtij institucioni, sot FSK-ja gjendet në fazën e fundit të evoluimit të saj në një institucion që çdo shtet e ka si shtyllën kryesore të ruajtjes së integriteti të vendit.
Debatet e fundit lidhur me marrëveshjen mes Kosovës dhe Serbisë që kanë të bëjnë me mundësinë e ndalimit të dërgimit të FSK-së në veri të vendit (ku serbët janë shumicë), tregojnë qartë kufizimet e mundshme më të cilat mund të ballafaqohet në të ardhmen FSK-ja.
Duke pasur parasysh kufizimet e përmendura më lart, në fazat e transformimit të këtij institucioni, krahasuar me diskutimet për ndonjë kufizim në të ardhmen do të quaja të pavlerë këtë debat pasi FSK-ja ka dëshmuar se është e përkushtuar t’u shërbejë qytetarëve të saj pa dallim etnie, feje etj. Asnjë shtet demokratik sot nuk do të dërgonte forcat e tij ushtarake kundër popullit të vet, prandaj debati që FSK-ja të mos përdoret në veri ( kjo nuk do te thotë qe FSK-ja të mos kryej operacione humanitare në veri) është një diskutim bosh dhe më shumë i nxitur nga mediat apo edhe nga vetë Serbia që t’i frikësojë serbët lokalë.
Debati mbi këtë temë dhe referimi për FSK-në, nga zyrtarët e lartë serbë, si Ushtria e Kosovës, tregon qartë që Kosova do ta ketë edhe institucionin i cili është shtylla e një shteti. Në anën tjetër, kërkesa e Serbisë që FSK-ja të mos shtrihet në veri vjen si rrjedhojë e frikës së Serbisë që të mos lejojë serbët lokalë të bëhen, shumë shpejt, pjesë e këtij institucioni, pasi me këtë hap Serbia përfundimisht do ta humbë kontrollin mbi serbët dhe pjesën veriore të Kosovës.
FSK-ja tani dhe në të ardhmen duhet të jetë në shërbim të gjithë qytetarëve të Kosovës, në çdo kohë kur këtë e kërkojnë qytetarët ose institucionet udhëheqëse të Kosovës.
Promo
Reklamo këtuLufta Prigozhin - Putin
Më shumëKSHZ publikon rezultatet e para përfundimtare, këto janë rezultatet
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
Xabi Alonso po përgatit një transferim befasues nga Real Madridi
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Takimi i Kurtit me ndihmësekretarin amerikan, O’Brien, deklarata pas takimit dhe çështja e Asociacionit
Iu mori shokëve një milion euro duke mashtruar për vetëvrasje: "Unë po i jap fund jetës, amanet gruan dhe dy djemtë"
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën