LAJMI I FUNDIT:

Kur partneri ka luhatje humori

Kur partneri ka luhatje humori

Nëse partneri ndihet keq, si duhet të veprojë partnerja që ai të dalë nga gjendje dhe të ndihmojë në përmirësimin e humorit të tij?

Pas përgatitjes së darkës që mund të marrë 1-2 orë, e gjithë familja është e qetë, por bashkëshorti juaj kthehet në shtëpi pa humor; pas punës, shkoni të dy në një qendër tregtare, por sapo ju sheh ai ju pyet pak me ton: “përse u vonuat”…

Kur përballeni me këto situata të krijuara nga partneri juaj, si duhet të veproni? Si ta ndihmoni partnerin të dalë nga gjendja jo e mirë e humorit?

Bashkëshorti(ja): përkrahës emocional

Partneri apo partnerja bëhen mbështetës të njëri-tjetrit në shumë fusha, por sidomos në atë emocionale. Kur ai apo jo nuk ndihet mirë nga bota shpirtërore ju përpiqeni për ta ndryshuar këtë gjendje të tij apo saj. Kur partneri zhytet në një gjendje jo të mirë emocionale, ka mungesë vitaliteti, atëherë ne mund ta ndihmojnë për të stimuluar energjinë e tij duke folur me të apo qoftë dhe një përqafim dhe një fjalë e ngrohtë. Ky rol është shumë thelbësor në një marrëdhënie.

“Mjedisi favorizues” në të mirë të përmirësimit të humorit

Psikologu britanik Donald.W. Winnicott paraqiti një teori: formimi i “mjedisit favorizues” në marrëdhënie mund të ndihmojë në përmirësimin e humorit. E thënë më thjeshtë: kur një person përballet me probleme psikologjike dhe kërkon ndihmë, nëse mund të ketë një sup ku të mbështetet dhe persona të afërt që kujdesen për të me tolerancë për veprimet e përkohshme “fëmijërore”, ky person do të çlirohet nga shqetësimet, depresioni dhe zemërimi, pas një periudhe jo të largët.

Opinionet e Winnicott-it janë përdorur gjerësisht në konsultimet psikologjike, nëpër shkolla etj.

landscape-1452869608-couplebed

Si ta përballojmë humorin e keq të partnerit?

1. Kuptojeni partnerin

Në fillim dhamë një shembull ku partnerja përgatit një darkë të shijshme dhe partneri kthehet në shtëpi pa humor. Në këtë situatë mos e rëndoni më shumë situatën duke e kritikuar, por përpiquni që ta kuptoni gjendjen e tij. Ndoshta mund ta pyesni: “E shoh që je pa humor, nëse do mund të flasim për problemi që ke..”

2. Mos arrini në përfundime pa e pyetur mirë se cili është shkaku i gjendjes jo të mirë emocionale

Ndoshta partneri juaj ka pasur një ditë jo të mirë në punë, ndoshta ka pasur probleme me shefin dhe këtë zemërim e transmeton tek ju; më pas ju nisni dhe imagjino se çfarë mund t’i ketë ndodhur. Mënyra më e mirë për ta marrë vesh këtë është ta pyesni me kujdes.

Ndonëse është e vështirë të përballeni me humorin jo të mirë të partnerit tuaj, gjithsesi duhet të tregoheni gjakftohtë dhe të kujdeseni për të. Më pas, pasi ai të jetë qetësuar do t’ju falënderojë dhe çmojë për mirëkuptimin dhe kështu do të përmirësohet dhe forcohet më tej marrëdhënia juaj.

3. Dëgjojeni me durim partnerin

Dëgjojeni me vëmendje shpjegimin e tij dhe lëreni të kuptojë që ju kujdeseni për të dhe jeni aty për të.
Ka shumë rëndësi që ai të hapet me ju. Shoqërimi që i jepni ofron përkrahje dhe është një ngushëllim i mëdha për të. Pas përfundimit të shpjegimeve të tij, mund t’i thoni se çdo gjë do të kalojë.

4. Përmirësimi i humorit

Kur humori i partnerit përmirësohet gradualisht në qetësi atëherë nisni të flisni me të më gjerësisht dhe të punoni me të për rregullimin e humorit. Nëse partneri shfaq përsëri humor jo të mirë dhe nuk mund të dalë nga ky emocion, atëherë këshillohet ndihma nga psikologët ose specialistët e fushës. /Telegrafi/

Në trend Stil

Më shumë
A e dini pse duhet të vendosni pak fletë alumini pas ruterit? Shkencëtarët garantojnë për këtë truk

A e dini pse duhet të vendosni pak fletë alumini pas ruterit? Shkencëtarët garantojnë për këtë truk

Stil
A e dini se për çfarë shërben vrima tek kapaku i kënaçes?

A e dini se për çfarë shërben vrima tek kapaku i kënaçes?

A e dini se...
Si të flisni me njerëzit në botën e përtejme: Një kujtesë e të humburve që nuk mund të harrohen

Si të flisni me njerëzit në botën e përtejme: Një kujtesë e të humburve që nuk mund të harrohen

Lifestyle
Tri shprehje të njerëzve me inteligjencë të lartë emocionale

Tri shprehje të njerëzve me inteligjencë të lartë emocionale

Lifestyle
Të drejtat dhe obligimet e trashëgimtarit në procedurën trashëgimore: Testamenti dhe gjithçka që duhet të dini

Të drejtat dhe obligimet e trashëgimtarit në procedurën trashëgimore: Testamenti dhe gjithçka që duhet të dini

Këshilla Lifestyle
Kush më parë arrin kulmin seksual, meshkujt apo femrat?

Kush më parë arrin kulmin seksual, meshkujt apo femrat?

Intimitet dhe Pasion
Kalo në kategori