0Shares

Pas abetares së përbashkët Shqipëri-Kosovë, në vitin e ardhshëm shkollor edhe teksti i Historisë dhe Gjuhës Shqipe do të jenë të njëjta.

Ministria e Arsimit të Shqipërisë, bën të ditur se Shqipëria dhe Kosova po punojnë për kurrikula të përbashkëta shkollore për të gjithë sistemin parauniversitar, nga programet e klasës së parë deri në klasën e nëntë, transmeton BW.

Me njësimin e programeve mësimore do të njësohen të gjitha tekstet. Fillimisht po punohet me programet e tekstet e Historisë dhe Gjuhës dhe më pas kurrikula do të zbatohet në shkollat shqiptare në vitin shkollor 2015- 2016.

Ministritë e Arsimit të dy vendeve po punojnë për të shmangur edhe problemet që mund të sjellë përshtatja e dy sistemeve të parauniversitarit, pasi sistemi i Shqipërisë është i ndarë tre plus gjashtë, ndërsa në Kosovë ky sistem është pesë plus katër. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)