Ky është materiali shokues i gjetur në banesën e sulmuesit 18 vjeçar (Foto)

Sulmuesi 18 vjeçar gjerman me origjinë nga Irani ka qenë i ndikuar psikologjikisht për sulmin e armatosur në Munich.

Sulmuesi i ri në moshë ka vrarë nëntë persona, tre prej të cilëve shqiptarë nga Kosova, teksa ka lënë 27 të lënduar, tre prej të cilëve rëndë, shkruan Telegrafi.

Sulmi, i cili u realizua në qendrën tregtare Olympia Centrum dhe McDonalds, shokoi gjithë botën, me sulmuesin 18 vjeçar që së pari u besua se është i ndikuar nga ISIS-i.

Megjithatë, duket se motivi po zbardhet me kalimin e minutave.

Lexo po ashtu Babai i Diamant Zabërgjës del në vendin ku iu vra djali (Foto)

Pista e hetimeve se motivi ka qenë hakmarrja ndaj bashkmoshatarëve në shkollë të cilët e ngacmonin me motive raciste, po merr formë.

Policia gjermane e Munichut ka konfirmuar se ka gjetur materiale se nxënësi ka lexuar libra dhe ka bërë kërkime për sulme të armatosura në masë dhe në publik, shkruan Telegrafi.

Bild ka publikuar kopertinën e librit për të shtëna me armë në masë që ka lexuar 18-vjeçari, një nga shumë materialet që ai ka lexuar për këto çështje.

Libri është i autorit Peter Langman, i titulluar “Të shtënat me armë në masë në kokë – pse të vriten nxënës (parathënie nga Klauk Hurrelman)”.

Peter Langman është psikolog, i cili është edhe autori i librit në fjalë dhe i cili përshkruan në detaje pse duhen kryer të shtënat me armë në masë me shembuj nga e kaluara se si janë kryer ato.

Policia gjermane pritet ta intervistojë së shpejti babanë e 18 vjeçarit, i cili nuk ka qenë ende në gjendje të flasë pasi është tronditur nga akti i të birit të tij.

Banesa e prindërve të sulmuesit gjermano-iranian është bastisur në ora 02:00 të mëngjesit të sotëm në Munich. /Telegrafi/

Lexo po ashtu Gjithçka rreth sulmit në Munich