Barry McCarney është filmuar nga kamerat derisa mbante në krah vajzën e të dashurës së tij në përpjekje për ta sjellë në jetë. Ai ishte filmuar në Erne Hospital, në Northern Ireland, teksa puthte dhe i jepte frymë vajzës 15 muajshe.
Por, ai nuk është babai i dëshpëruar që puth të voglën e tij, por është përbindëshi që abuzoi me Millie Martin, aq sa ajo gjeti vdekjen nga dëmtimet.
Siç raportojnë mediat e huaja, gjykata e akuzoi 33 vjeçarin për krimin e ndodhur në dhjetor të 2009, ndërsa e cilësoi si çnjerëzor.
Ai kishte abuzuar si fizikisht edhe seksualisht me të miturën, duke i shkaktuar plagë të shumta dhe një në kokë, plagë që i shkaktuan edhe vdekjen.
Patologët kanë treguar se vogëlushes i janë thyer 21 brinjë, shtatë prej të cilave i ishin thyer në dhjetë ditët e fundit para vdekjes.
Vogëlushes i janë gjetur edhe mavijosje në trup si dhe lëndime në ballin e saj. Pas ekzaminimit, patologët po ashtu kanë gjetur plagë në bark, e të cilat kanë mundur të jenë fatale për Millien.
Gjykata veprimet e 33 vjeçarit i cilësoi sadiste për shkak të moshës së vogëlushes.
Barry McCarney shpall fajtor për vrasje, dëmtim trupor dhe abuzim seksual, ndërsa vendimi final për të do jepet në fund të vitit. /Telegrafi/
Komente
Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.
