Afrika me miliarderë e varfëri të skajshme

Publikuar: 16:06 / 8.10.2013
Afrika me miliarderë e varfëri të skajshme
0shares
komente

Kontinenti më i varfër, Afrika, ka 55 miliarderë, shumica e tyre në Nigeri, madje 20 nga ta. Afrika e Jugut dhe Egjipti janë në vendin e dytë dhe të tretë, me nëntë dhe tetë miliarderë. Afrikanët e pasur kanë më shumë sesa është menduar. Pjesa tjetër e kontinentit është aq e uritur saqë është mrekulli sesi mbesin gjallë.

Biznesmeni nigerian Aliko Dangote është afrikani më i pasur. Pasuria e tij vlerësohet në rreth 20 miliardë dollarë. Ky multimilarder pasurinë e ndërtoi në çimento, ndërsa tani zotëron të drejtën e një perandorie industriale që përfshin mullinj, fabrika të sheqerit dhe produkteve të tjera ushqimore.

Afrikania më e pasur është Folorunsho Alakija, po ashtu nga Nigeria, e cila ka kompaninë e naftës "Famfa Oil”.

Pesë miliarderët më të mëdhenj të Afrikës së Jugut janë të bardhë, më të vjetër se 60 vjeç, që janë pasuruar përmes transaksioneve financiare dhe tregtisë. Pjesën më të madhe të të ardhurave e realizojnë nga investimet në Londër, New York dhe Cyrih.

Jugafrikani Nicky Oppenheimer, i pesti në listën e më të pasurve në Afrikë, ka pasuri prej 6.5 miliardë dollarëve falë minierave të diamantit që i ka trashëguar nga familja.

Shumica dërrmuese e miliarderëve nigerianë e kanë fituar pasurinë e tyre nga nafta, pasi Nigeria është prodhuesi i parë i naftës në kontinent.

Në një studim thuhet se Afrika ka çdo herë e më shumë njerëz të pasur, ndërsa shumë shtete të kontinentit shënojnë rritje ekonomike, pavarësisht krizës botërore. Megjithatë, varfëria nuk është zvogëluar.

Sipas të dhënave të Bankës Botërore, Afrika subsahariane e cila më 1981 kishte 205 milionë njerëz skajshmërisht të varfër, me më pak se 1,25 dollarë të ardhura në ditë, më 2010 ka regjistruar dy herë më shumë njerëz të varfër, apo rreth 414 milionë. /Telegrafi/
 


Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.