Ahmadinejad niset për në Mekë
Presidenti i Iranit, Mahmoud Ahmadinejad është nisur për në Arabinë Saudite në prag të fillimit të një samiti të jashtëzakonshëm të Organizatës Islamike për Bashkëpunim që do të mbahet në Mekë, e që ka në fokus konfliktin në Siri.Teherani dhe Riadi kanë qëndrime të kundërta rreth këtij konflikti, transmeton Evropa e Lirë.
Arabia Saudite mbështet rebelët që po luftojnë për rrëzimin nga pushteti të presidentit, Bashar Al Assad, ndërsa Irani-si aleat i Assadit, ia ka ofruar atij mbështetjen e plotë.
Raportet Arabi Saudite-Iran janë të tensionuara edhe për shkak të dëbimit nga tregu saudit të naftës iraniane si pasojë e sanksioneve të vëna nga Bashkimi Evropian dhe Kombet e Bashkuara.
Ahmadinejad shfaqi shpresën që “samiti të përqendrohet në rritjen e unitetit dhe uljen e antagonizmit”.
OIB-ja është mekanizmi i dytë islam me 57 anëtarë. /Telegrafi/
