Ahmeti nuk i shkoi Gruevskit në ditëlindjen e VMRO-DPMNE-së
Lideri i Bashkimit Demokratik për Integrim (BDI), Ali Ahmeti nuk ka marrë pjesë në shënimin e ditëlindjes së 22 të partisë maqedonase VMRO-DPMNE, me të cilën është në koalicion qeveritar.Në festimin e kësaj date të VMRO-DPMNE kanë marrë pjesë antëarë të kreut të BDI-së, si zëvendëskryeministri për Marrëveshjen e Ohrit, Musa Xhaferri dhe zëvendëskryeministrja për eurointegrime, Teuta Arifi, ministri Nevzat Bejta etj.
Megjithatë Ahmeti nuk e ka parë të udhës që të jetë pjesë në këtë eveniment, ndërsa nga partia e tij nuk ka pasur ndonjë sqarim.
Ndërkaq, kryeministri i Maqedonisë dhe lider i VMRO-DPMNE kishte marrë pjesë më 12 qershor në festimin e përvjetorit të BDI-së dhe kjo ishte vlerësuar lartë, pasi ishte hera e parë që ai merrte pjesë në një eveniment të BDI-së.
Ndryshe, në përvjetorin e VMRO-DPMNE nuk kanë marrë pjesë edhe një numër i madh i liderëve tjerë të partive opozitare politike. /Telegrafi/
