Ahtisaari vjen të hënën

Kështu, të hënën presidenti Marti Ahtisaari dhe delegacioni i tij pritet që rreth orës 11:50 të arrijnë në Aeroportin e Prishtinës. Po këtë ditë arrijnë edhe ambasadori Frank Wisner dhe Wolfgang Ischinger.

Ndërsa, nga ora 15:00, Grupi Drejtues Ndërkombëtar do të mbajë një takim në objektet e Qeverisë së Kosovës.

Sipas agjendës së siguruar, në këtë takim do të marrin pjesë: Ahtisaari, ambasadorët Wisner dhe Ischinger, kryeministri Hashim Thaçi, zëvendëskryeministri Hajredin Kuçi, ministrat Mimoza Kusari-Lila, Enver Hoxhaj dhe Agim Çeku.

Nga ora 16:00, do të ketë një konferencë të përbashkët shtypi të shefit të Zyrës Civile Ndërkombëtare, Piter Feith, kryeministrit Hashim Thaçi dhe presidentit Ahtisaari. Kurse më vonë, nga ora 16:30, është caktuar seanca solemne e Kuvendi të Republikës së Kosovës, e cila do të hapet nga kryetari Jakup Krasniqi.

Gjatë kësaj seance do të flasin: Piter Feith, presidentja Atifete Jahjaga, kryeministri Hashim Thaçi, Ahtisaari dhe ambasadorët Wisner e Ischinger.

Po këtë ditë, presidentja Jahjaga dhe kryeministri Thaçi, në “Swiss Diamond” do të shtrojnë darkë në të cilën pritet të marrë pjesë edhe komisioneri për zgjerim i BE-së, Stefan Fule.

Një ditë më vonë, më 11 shtator, nga ora 9:00 është konferenca ndërkombëtare, “Kapitulli i mbyllur në Ballkan”, e cila mbahet në hotelin “Emerald”.

Në këtë konferencë do të marrin pjesë Jahjaga, Thaçi, Feith, Ahtisaari, Wisner dhe Ischinger, si dhe delegacione të tjera. Sesioni i parë është “Tranzicioni në kohën e globalizimit”, i cila do të moderohet nga profesor Bill Weschler, e në të cilin do të flasin ministri Enver Hoxhaj, Edmon Panariti nga MPJ e Shqipërisë, ish-presidenti Bill Clinton nëpërmjet video-linkut, përfaqësues të ministrisë së punëve të Jashtme të Japonisë, Ganës, Malit të Zi etj.

Fjalimin kryesor në këtë sesion do ta ketë presidenti Marti Ahtisari, i cili do të jetë nga ora 10:45-11:30. /Telegrafi/