AK: Të hapet konsullatë shqiptare në Çamëri
Aleanca Kuq e Zi protestoi të martën para Ministrisë së Punëve të Jashtme të Shqipërisë, për të kërkuar hapjen e një konsullate shqiptare në Çamëri. AK theksoi se vetëm kështu mund të respektohet parimi i reciprocitetit dhe lidhja e shtetit, njoftojnë mediat në Shqipëri.
Përfaqësuesi i AK tha se nëse Greqia ka konsullatat e saj në Korçë e Gjirokastër, atëherë dhe Shqipëria duhet të kërkojë hapjen e një konsullate në Çamëri.
Më tej Aleanca Kuq e Zi shprehu shqetësimin se për 22 vite me radhë nga shkëputja me diktaturën, asnjë qeveri nuk kërkoi hapjen e një zyre konsullate për të mbrojtur të drejtat e çamëve. /Telegrafi/
