Aksident i rëndë, humb jetën boksieri Atdhetar Skenderi
Atdhetar Skenderi, 26 vjeçar, ka humbur tragjikisht jetën në një aksident të rëndë komunikacioni sot pasdite në aksin rrugor Strugë-Veleshtë.I aksidentuari ka ndërruar jetë para se të arrinte në Spitalin e Strugës, kurse vdekja e tij është konstatuar nga mjeku kujdestar në repartin e kirurgjisë, dr. Mirko Lekoski.
“Rreth orës 15.30, është sjellur i aksidentuari Atdhetar Skenderi nga Vleshta, por për fat të keq pa shenja jete. Lëndimet e marrë në kokë dhe trup kanë qenë fatale për jetën e tij”, tha për INA, mjeku Lekoski.
Organet policore dhe gjykatësi hetues ka dal në vendin e ngjarjes, ndërsa trupi i pajetë i të ndjerit është dërguar për obduksion.
Atdhetar Skenderi ishte boksier aktiv në KB “Sindi” ku ka dhënë kontribut të çmueshëm, duke u shpallur disa herë kampion individual shtetëror dhe ekipor me klubin e tij.
Varrimi i të ndjerit Atdhetar Skenderi, pritet të bëhet gjatë të hënën, më 11 qershor. Organet e policisë, hetuesisë dhe gjyqësisë vazhdojnë veprimit për zbardhjen e plotë të rastit. /Telegrafi/
