Albright, “miqve të serbëve”: Jeni kriminelë
Policia çeke nuk po e heton incidentin që ndodhi gjatë nënshkrimeve të librit “Dimri i Pragës”, nga ish-Sekretarja amerikane e Shtetit, Madeleine Albright, kur ajo u provokua nga anëtarët e shoqatës "Miqtë e Serbëve të Kosovës"."Në vendin e ngjarjes kemi vërtetuar se nuk ishte kishte kryer asnjë vepër penale”, tha zëdhënësi i policisë çeke, jan Danjek.
"Disa njerëz nuk më duan. Nuk e di se çfarë ishin duke bërë. Ata më akuzuan për diçka që unë nuk e kisha bërë", tha Albright, e cila shton se nuk ishte e befasuar nga pesë anëtarët e shoqatës “Miqtë e Serbëve të Kosovës”, në krye të të cilit ishte regjisori dhe autori i dokumentarit kontrovers, “Kosova e vjedhur”, Vaclav Dvorak.
"Kur isha në post, gjithmonë kisha sigurimin pranë. Ky ishte një budallallëk. Megjithatë, ishte mirë që 100 njerëz erdhën ta nënshkruajnë librin”, ka thënë is-Sekretarja amerikane, e cila mbrëmë mbolli një dru në Kopshtin Botanik të Pragës.
Regjisori antishqiptar Dvorak, në blogun e tij ka shkruar se “ka dëshiruar që me pllakatin e fundit, nga të pestat që i kishte sjellë për nënshkrim, që të tërheq vëmendjen për aktivitetin e saj në procesin e privatizimit në Kosovë”.
"Më lëshuan nervat. Kërkoj falje. Nuk jam diplomat dhe e kam nderuar ish-Sekretaren amerikane të Shtetit me fjalët të cilat shumë herë i kam dëgjuar në Serbi, në Kosovë, në Maqedoni, në Republikën Srpska dhe në Malin e Zi – kasape e Ballkanit”, shkruante ai në blogun e tij, në faqen EUserver.
Pas kësaj, Albright - e cila iu bërtiti provokatorëve të dalin jashtë - ka thënë: “Ju jeni kriminelë”.
Pas ndërhyrjes së sigurimit, “miqtë e serbëve” u larguan. /Telegrafi/
