Ambasada e Kosovës në Tiranë, pa “zot shtëpie”

20:47 / 22.06.2013

Ambasada e Kosovës në Tiranë, pothuajse për afro një muaj ka mbetur pa të zotin e shtëpisë.

Punët kanë vazhduar normalisht në Ambasadën e Kosovës në Tiranë, të cilës i mungon ambasadori Sylejman Selimi. Ambasada nuk ka shërbim të veçantë konsullor, por stafi i saj është më i madhi i ndonjë ambasade të Kosovës.

Megjithatë, stafi është i angazhuar në menaxhimin e vizitave të shumta të delegacioneve të ndryshme institucionale, që vijnë nga Kosova.

Derisa ambasadori Selimi gjendet në paraburgim, prokurori i rastit italian, Mauricio Salustro, ka kërkuar zgjatjen e paraburgimit edhe për dy muaj të tjerë.

KTV-ja merr vesh që ambasadori Selimi konsideron se aktualisht gjendet në pushim vjetor për arsye familjare. Ai e kishte marrë pushimin vjetor pak ditë para se të detyrohej që të kthehej në Prishtinë, për t’iu përgjigjur autoriteteve të drejtësisë së EULEX-it.

Selimi është njëri nga të dyshuarit kryesor për krime të luftës në kuadër të “Grupit të Drenicës”. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.