Amendamenti për amnistinë në Gjykatën Kushtetuese
Gjykata Kushtetuese e Kosovës e ka njoftuar Kuvendin se e ka pranuar propozimin e Qeverisë për amendamentimin e Kushtetutës lidhur me amnistinë. Në pajtim me nenin 144 të Kushtetutës, kryetari i Kuvendit, më 22 qershor 2012, propozimin e Qeverisë ia ka adresuar Gjykatës Kushtetuese të Kosovës.
“Gjykata Kushtetuese e Kosovës, me shkresën nr. KO-61/12, e ka njoftuar Kuvendin se e ka pranuar propozimin e Qeverisë”, thuhet në kumtesë.
Ndryshe, në një kumtesë për media, ditë më parë Ministria e Drejtësisë ka thënë se është angazhuar që “Instituti i Amnistisë”, të përfshihet si kategori kushtetuese në Kushtetutën e Republikës së Kosovës, mënyrë kjo, e cila do t’i hap rrugë hartimit të Ligjit për Amnisti. /Telegrafi/
